सोलुखुम्बुको नेचासल्यान गाउँपालिकामा निशुल्क दन्त शिविर हुने भएको छ । विपि विचार राष्ट्रिय समाज सोलुखुम्बुको आयोजना तथा ओम डेण्टल समाज चावहिलको संयुंक्त आयोजनामा हिमाल दर्शन मावि नेचामा भदौ २२ गते निशुल्क शिविर गर्न लागिएको हो ।
शिविरमा दाँत उखाल्ने, दाँत सफा गर्ने, औषधि वितरण तथा दाँत परिक्षण गरि आवश्यकता अनुसार थप उपचारका लागि रिफर गर्ने विपि विचार राष्ट्रिय समाज सोलुखुम्बुका अध्यक्ष चन्द्र आचार्यले जानकारी दिए । गाउँघरमा रहेका दाँतका रोगिलाई लक्षित गरि यो शिविर सञ्चालन गर्न लागिएको उनले बताए ।
उनका अनुसार नेचासल्यान पालिका भित्र मात्रै हैन बाहिरका नागरिकले पनि यो शिविरको लाभ लिन सक्ने छन् ।
