काठमाडौं । सोलुखुम्बुको नेचासल्यान गाउँपालिका–२ की मनिषा बास्तोला घाँटीको क्यान्सरसँग लडिरहेकी छिन् ।
पाटन अस्पतालमा उपचाररत उनलाई आइतबार साढे सात लाख रुपैयाँभन्दा बढी सहयोग रकम हस्तान्तरण गरिएको छ ।
उपचार खर्चको अभाव झेलिरहेकी २० वर्षीया बास्तोलालाई स्थानीय युवाहरू द्रोण बास्तोला र बाबुराम आचार्यले रकम सङ्कलन गरी उपलब्ध गराएका हुन् ।
विभिन्न व्यक्ति र सङ्घ–संस्थामार्फत सङ्कलन गरेको सात लाख ६५ हजार छ सय ६१ रुपैयाँ हस्तान्तरण गरेको रकम सङ्कलनकर्ता बाबुराम आचार्यले जानकारी दिए ।
रकम पाएपछि क्यान्सर पीडित मनिषा बास्तोलाले अब पैसाको अभावमा आफ्नो उपचार नरोकिने भन्दै सहयोगीहरूलाई धन्यवाद दिएकी छिन् ।
