नेपाली काँग्रेस सोलुखुम्बुका सभापति तथा सोलुदुधकुण्ड नगरपालिकाका मेयर नाम्गेल जाङ्बु शेर्पा सहितको टोलीले दिप्लीघाट स्थित मोटरेबल बेलिब्रिजको अवलोकन गरेको छ । शनिबार बाढिले क्षतिग्रस्त बनाएको स्थलगत अनुगमनमा सभापति शेर्पा सहितको टोली पुगेको हो ।
अवलोकन पछि सञ्चारकर्मीसँगको कुराकानीमा मेयर शेर्पाले पुर्ननिर्माणका लागि सक्दो पहल गर्ने प्रतिबद्धता व्यक्त गरेका छन् । कोशी पारि क्षेत्रका नागरिकको दैनिकी सहज बनाउनका लागि जसरी पनि पुर्ननिर्माण गर्नुपर्ने भएकाले सम्बन्धित स्थानीय तहका प्रमुख, प्रदेश सरकारसँग समन्वय गर्ने बताएका छन् ।
अनुगमनमा राष्टिय भुमी आयोग सोलुखुम्बुका अध्यक्ष उत्रमान राई, काँग्रेस सोलुखुम्बुका युवा नेता चन्द्र आचार्य, महिला नेतृहरु लगायतको सहभागिता रहेको थियो ।
