११ माघ २०८१, शुक्रबार | Sat Jan 25 2025

पत्रकार महासंघ ओखलढुंगाको अध्यक्षमा न्यौपाने


२७ मंसिर २०८१, बिहिबार  

0
Shares

ओखलढुंगा। नेपाल पत्रकार महासंघ ओखलढुंगा शाखाको अध्यक्षमा पूर्णप्रसाद न्यौपाने निर्विरोध निर्वाचित भएका छन् ।

महासंघको २७ औं महाधिवेशन अन्तर्गत १ पदमा १ व्यक्तिको मात्रै उम्मेदवारी परेपछि अध्यक्षमा न्यौपानेसहित १७ जना निर्विरोध निर्वाचित भएका हुन् ।

महासंघको उपाध्यक्षमा रविन श्रेष्ठ, समावेशी उपाध्यक्षमा शारदा राई, सचिवमा मिनाकुमारी श्रेष्ठ (शेर्पा), सहसचिवमा नविन धमला र स्यारोन शेर्पा, कोषाध्यक्षमा रितादेवी तामाङ्ग निर्विरोध निर्वाचित भएका छन् ।

सदस्यहरुमा शेरबहादुर राई (एसबी जेरो) लिला श्रेष्ठ, सरस्वती बानिया, कृष्णजित राई, प्रविण मुदेल र माया राई निर्वाचित भएको निर्वाचन अधिकृत अधिवक्ता गुरुबहादुर बस्नेतले जानकारी दिए ।

पत्रकारको विधान अनुसार राष्ट्रिय परिषद् सदस्यमा दीपेन्द्र रुम्दाली, प्रदेश परिषद् सदस्यहरुमा विनुमाया राई, विक्रम चेतनशिल राई र मिङ्गमार शेर्पा चयन भएका छन् ।

कुनै पदमा १ भन्दा बढी व्यक्तिको उम्मेदवारी नपरेपछि जिल्ला समिति निर्विरोध बनेपनि औपचारिक घोषणा हुन बाँकी रहेको निर्वाचन संयोजक कुलबहादुर तामाङले बताए ।

२८ गते प्रदेश र केन्द्रको लागि मतदान र मतगणना सकेपछि जिल्ला समिति निर्वाचित भएको घोषणा गरिने संयोजक तामाङको भनाइ छ ।

नव निर्वाचित अध्यक्ष न्यौपाने महासंघका वर्तमान सचिव हुन् । त्यसअघि उनी महासंघको कार्यसमिति सदस्यको भूमिकामा थिए ।

राष्ट्रिय समाचार समिति, रेडियो नेपाल, नयाँ पत्रिका, भिजन एफएम, भिजन नेपाल साप्ताहिक, अनलाईन सरोकारलगायत सञ्चारमाध्यममा आबद्ध न्यौपाने ओखलढुंगाका सकृय पत्रकार हुन् ।

प्रेस चौतारी नेपाल केन्द्रीय अनुशासन आयोग सचिव समेत रहेक न्यौपाने प्रेस चौतारीबाट अध्यक्ष बन्ने ओखलढुंगाको पहिलो पत्रकार हुन् ।

२०७२ सालमा चौतारी जिल्ला अध्यक्ष भएपछि ओखलढुंगामा चौतारीको शुन्य संगठनलाई सशक्त बनाएर कम्युनिष्ट आस्थाको पहिलो पटक अध्यक्ष बन्न न्यौपाने सफल भएका छन् ।

प्रकाशित मिति : २७ मंसिर २०८१, बिहिबार  ४ : १० बजे