सोलुखुम्बुको नेचासल्यान गाउँपलिकाले एसईईमा उत्कृष्ट जिपिए ल्याउने विद्यार्थीलाई नगदसहित सम्मान गरेको छ । गाउँपालिका अध्यक्ष धनजन राई र उपाध्यक्ष विना राईको उपस्थितीमा आज उनिहरुलाई सम्मान गरिएको हो ।
२०८० सालको एसईईमा गाउँपालिका भित्रका माध्यमिक विद्यालयका नियमित तर्फ ३.७६ जिपिए ल्याउने केदार माविका रमन कटेल र हिमाल दर्शन माविका सगुन राउतलाई नगद २५ हजार नगद सहित सम्मान पत्रले सम्मान गरिएको हो । सम्मान विद्यार्थीका अभिभावकलाई हस्तान्तरण गरिएको छ ।
गाउँपालिका अध्यक्ष राईले शैक्षिक क्षेत्रमा शैक्षिक उन्न्यनका लागि विभिन्न काम गरिरहेको बताएका छन् । विद्यार्थीलाई शैक्षिक प्रोत्साहानका लागि पनि यसले टेवा पुर्याउने विश्वास लिईएको छ ।
