काठमाडौँ । दुर्गेश थापाको पछिल्लो गीत ‘दुश्मन हेरेको हेर्यै’ युट्युब ट्रेन्डिङको शीर्षस्थानमा उक्लिएको छ।
एक साताअघि सार्वजनिक गीत राम्रो भ्युजसहित युट्युबको नेपाल ट्रेन्डिङको संगीत खण्डतर्फ पहिलो स्थानमा परेको हो।
भिडिओलाई मंगलबार बेलुकासम्म युट्युबमा २७ लाखपटक हेरिएको छ। यो गीतको शब्द तथा संगीत दुर्गेश थापाकै हो। गीतमा आनन्द कार्की, दुर्गेश थापा, समीक्षा अधिकारी र एलिना चौहानले स्वर दिएका छन्।
भिडिओमा दुर्गेशसहित प्रियंका कार्की, कविता नेपाली, पेमा लामा र सहदेव श्रेष्ठको अभिनय छ।
रूपेश थापाको डिओपी रहेको भिडिओलाई मिलन विश्वकर्माले सम्पादन गरेका हुन्। निर्देशन दुर्गेश स्वयं र विजु पार्कीको हो।
