सोलुखुम्बु । सोलुदुधकुण्ड नगरपालिका ९ गोराखानीको वर्तमान र भविष्यको सम्भावनालाई समाबेश गरी गोराखानी गान सार्वजनिक गरिएको छ ।
शंकर अधिकारी घायलको शब्द र सरोज प्याकुरेलको संगीतमा तयार भएको गीतमा सन्जय तुम्रोक र रिता केसीको स्वर रहेको छ ।
रत्न काजी जोशीको निर्देशनमा तयार पारिएको भिडियोमा गोराखानी वडाका दृष्यलाई समाबेश गरिएको छ ।
प्रचुर पर्यटकीय सम्भावना रहेको पिके डाँडाँ लगायतका ठाउँ, भाषा, धर्मलाई समाबेश गरी गोराखानीको चिनारीको रुपमा गीतलाई तयार पारिएको छ ।
गोराखानीको कला, संस्कृती र पर्यटकिय क्षेत्रलाई देश तथा बिदेशमा पुर्याउने हेतुले गीत र भिडियो निर्माण गरिएको वडाध्यक्ष धनराज तामाङले जानकारी दिए । उनले भने, ‘गीत र भिडियोले आन्तरिक तथा बाह्य पर्यटकको संख्या बढवामा भूमिका खेल्नेमा हामी विस्वस्त छ ।’
