काठमाडौँ । ‘मायामा ठ्याक्क ठुक्क’ बोलको गीतको म्युजिक भिडियो रिलिज गरिएको छ ।
रोमान्टिक, डान्सिङ शैलीको यो म्युजिक भिडियोको कथा सोही टोलीको म्युजिक भिडियो ‘अठार कट्यौ कि कटेनौ’ को कथा बाट निरन्तर गरिएको निर्देशक गम्भीर विष्टले बताए ।
म्युजिक भिडियोमा डान्स, रोमान्स, केही बोल्ड दृश्य कलात्मक तवरले देखाइएको छ । भिडियोमा देखिने कमेडी दृश्यहरूले मज्जाले मजा दिने छ। गीत सुन्दा जो कोहीलाई पनि नाचूँ नाचूँ लाग्न सक्छ । डान्सिङ र कमेडी शैलीको म्युजिक भिडियो बनाउन माहिर निर्देशक गम्भीर विष्ट यस म्युजिक भिडियोको पनि निर्देशक हुन् ।
गीतमा नवीन पौडेल र बेनिशा पौडेलको स्वर, शब्द, संगीत र र्याप जगत तिरुवाको रहेको छ । भिडियोमा सुमन ज्योति (ल्याङ्री दादा), उमेश बराल (विश्व), सुरक्षा इतनी, नेहा गौतम, सुरेन्द्र बसेल लगायत कलाकारको अभिनय रहेको छ ।
रोशन विश्वकर्माको कोरियोग्राफि, राकेश दाहालको सम्पादन, कलर र पोस्टर डिजाइन, प्रोडक्सन म्यानेजर शम्भु श्रेष्ठ , सह निर्देशक सुरेन्द्र बसेलको रहेको छ। भिडियोलाई जे एम डी क्रियसनले प्रस्तुत गरेको छ ।
