काठमाडौँ । वरिष्ठ बलिउड गायिका दीपानारायण झाको स्वर रहेको गिती एल्बम कोपिलाको पुकार’को लोकार्पण गरिएको छ । समाजसेबी, साहित्यकार तथा गीतकार सरला श्रेष्ठको शब्द सृजना समावेश एल्बम हो कोपिलाको पुकार’ । मुम्बईमा रेकर्ड गरिएको कोपिला एल्बमको शीर्ष गीत कोपिलाको पुकार’को भिडियो पनि निर्माण गरिएको छ ।
कोपिलाको भिडियोमा वरिष्ठ गायिका दिपानारायण झा नै फिचर्ड छिन् । एल्बम कोपिलाको पुकार’मा कोपिला सहित ६ वटा गीत समावेश छन् । एल्बममा नरेन्द्र प्यासी, लक्ष्मण पोखरेल, बबिना भटटराई, सरोज पोखरेल, शंकर थापा स्माईलको संगीतमा दिपा झाका अलावा अन्जु पन्त, प्रताप दास बबिना भटटराई, शिवराम विश्वकर्मा लगायको स्वर रहेको छ ।
समाजसेबी साहित्यकार तथा गीतकार सरला श्रेष्ठको यात्रा शुभआरम्भ कवितामा संग्रहित कविता कोपिलाको पुकारई संगीतकार लक्ष्मण पोखरेलले गीति लयमा तयार पारेका हुन । गीतकार संघको आयोजनमा एल्बम लोकार्पण गरिएको हो । ‘कोपिलाको पुकार’मा लक्ष्मण पोखरेलको संगीत मनोज चौलागाईको एरेन्ज, प्रकाश मिश्रको ध्वनि सम्पादन,अमिर शेखको रेकर्डिङ आनन्द दल सिंह गहतराजको निर्देशन रहेको छ ।
वरिष्ठ गीतकार डा. कृष्णहरि बरालले गीतकार सरला श्रेष्ठको गीती लेखन र ‘कोपिलाको पुकार’काबारेमा आफ्ना धारणहरु राखेका थिए । कार्यक्रमा वरिष्ठ गीतकार चुडामणी देवकोटा ,वरिष्ठ गीतकार वरिष्ठ गीतकार बिवि थापा गीतकार संघका उपाध्क्ष रमेश कोईराला विशिष्ट संगीतकार राजु सिंह विशिष्ट गायिका संगीता राना लगायतका वक्ताहरुले गीति एल्मबकाबारेमा चर्चा परिचर्चा गरेका थिए ।
लामो समयको अन्तराल पछि लोकप्रिय गायिका दिपा झाको आवाजलाई नेपाली श्रोताहरु माझ ल्याउन पहल गरेकोमा संगीतकार राजु सिंहले उक्त गीतका गीतकार संगीतकारलाई धन्यवाद व्यक्त गरेका थिए । गीतकार सरला श्रेष्ठ पनि ‘कोपिलाको पुकार’लाई दर्शक श्रोता माझ ल्याउन पाएकोमा खुसी थिईन् ।
कार्यक्रममा वरिष्ठ गीतकार नारायण कुमार आचार्य, वरिष्ठ संगीतज्ञ अमुल कार्कीढली, वरिष्ठ संगीतकार किर्ति न्यौपाने, वरिष्ठ निर्देशक कृष्णदेव रुपाखेतीको उपस्थिती रहेको थियो । कार्यक्रमलाई सम्बोधन गर्ने क्रममा समाजसेबी, साहित्यकार तथा गीतकार सरला श्रेष्ठ भावविह्वल मुद्रामा देखिएकी थिइन् । उनले नेपालदी गीत संगीतको चर्चा गर्दै जन्मदाता बाबु आमाप्रतिको प्रेम उजागर गरेकी थिइन् ।
यसैबिच समाजसेबी साहित्यकार तथा गीतकार सरला श्रेष्ठले यसअघि गायक प्रमोद खरेल र गायिका अन्जु पन्तको स्वरमा रहेको किर्ती न्यौपानेको संगीतमा रहेको ए मेरो मनको राजा बोलको गीतले पनि चर्चा कमाएको थियो । जसमा मोडलद्धय गरिमा शर्मा र पुष्प खड्काको अभिनय रहेको छ ।
सार्वजनिक गीतको भिडियोको निर्देशन अनुभवी निर्देशक कृष्णदेव रुपाखेतीले गरेका हुन् । भियिोको छायांकनका क्रममा गीतकार स्वयम छायांकनस्थलमा पुगेकी थिइन् । सुन्दर पर्यटकीय स्थल चित्लाङ र कुलेकानीको रोमाञ्चक दृश्य देखेर अमेरिकामा बस्दै आएकी गीतकार श्रेष्ठ निकै प्रफुल्ति भएकी थिइन् ।
