सोलुखुम्बु । जिल्लाको सोलुदुधकुण्ड नगरपालिका १ टाक्सिन्दुको प्रशासनिक भवन शिलान्यास गरिएको छ । सोमबार एक कार्यक्रमको आयोजना गरी नगर प्रमुख नाम्गेल जाङबु शेर्पाले भवन शिलान्यास गरेका हुन् ।
वडाको भवन निर्माणको जिम्मा देनडुब निर्माण सेवाले पाएको छ । भवन लागत मुल्य भ्याटसहित १ करोड २२ लाख ३६ हजार रुपैयाँ रहेको छ । भवन निर्माणको लागि गत साउन २९ गते सम्झौता भएको थियो । निर्माणको काम २०८२ जेठ ३० गतेसम्म सम्पन्न गरिसक्नु पर्ने छ ।
शिलान्यास कार्यक्रममा नगर उप प्रमुख गान्धी माया तामाङ, प्रमुख प्रशासकीय अधिकृत टुक्ति शेर्पा, नगर प्रवक्ता एंव ६ नं. वडा अध्यक्ष फुर्वा ग्याल्जेन शेर्पा, नगर कार्यपालिका सदस्य कुलध्वज घर्ति मगर, १ नं वडाका पुर्व वडा अध्यक्ष छोङ्वा लामा शेर्पा लगायत स्थानीयहरुको बाक्लो उपस्थीति रहेको थियो । कार्यक्रम वडाध्यक्ष छोङ्वा शेर्पाको अध्यक्षतामा सम्पन्न भएको हो ।
भवन शिलान्यास कार्यक्रम लगत्तै वडामा सामाजिक सुरक्षा भत्ता वितरण र योजना सम्झौता कार्यक्रम समेत सम्पन्न गरिएको छ ।
