सोलुखुम्बुको नेचासल्यान गाउँपालिका–१ निवासी स्पाइनल इन्जुरी पीडित प्रकाश राउतलाई नेपाल तरुण दल सोलुखुम्बुले २५ हजार रुपैयाँ नगद सहयोग गरेको छ ।
तरुण दल सोलुखुम्बुका अध्यक्ष अशोक कुमार झाको समन्वयमा थुलुङ दुधकोशी गाउँपालिका–१ निवासी व्यवसायी तथा समाजसेवी बेद थापाले उक्त सहयोग रकम उपलब्ध गराएका हुन् ।
अध्यक्ष झाले स्पाइनल इन्जुरी पुनःस्थापना केन्द्र साँगा पुगेर पीडित राउतका परिवारलाई सहयोग रकम हस्तान्तरण गरेका हुन् । राउतको उपचार तथा पुनःस्थापनामा सहयोग पुग्ने उद्देश्यले उक्त रकम प्रदान गरिएको जनाइएको छ ।
सहयोग हस्तान्तरण कार्यक्रममा तरुण नेता विकास बस्नेतको पनि उपस्थिति रहेको थियो ।
