सोलुखुम्बुको लिखुपिके गाउँपालिकामा शिक्षकको पेसागत विकास सम्बन्धि ३ दिने तालिम सुरु भएको छ । लिखुपिके गाउपालिका र रिड नेपालद्वारा आयोजित आधारभुत तह स्तरिय तालिमको गाउँपालिका अध्यक्ष मिना कार्की बस्नेतले उद्घाटन गरेकी हुन् ।
तालिमको उद्घाटन गर्दै अध्यक्ष कार्कीले शिक्षक शिक्षिकाहरुको क्षमता विकासको लागि रिड नेपाल योगदानको प्रशंसा गरिन् । शैक्षिक गुणस्तर बृद्धिका लागि पालिकाले कुनै पनि कन्जुस्याई नगरेको उनले बताईन् । साथै उनले तालिममा सिकेका कुरालाई व्यवहारमा लागु गर्न पनि शिक्षकलाई निर्देशन दिईन् ।
लिखुपिके शिक्षा युवा तथा खेलकुद शाखा प्रमुख रेखराज बस्नेतको अध्यक्षतामा भएको कार्यक्रममा गाउँपालिका उपाध्यक्ष ङ्वाङ लाक्पा शेर्पा लगायतको उपस्थिती रहेको थियो ।
