काठमाडौँ । प्रधानमन्त्री केपी शर्मा ओलीले सामाजिक सञ्जालमा झोले भनेर खेदियो भन्दैमा सत्य अँगाल्न नछोडन आग्रह गरेका छन् ।
सामाजिक सञ्जालमा ‘म झोले हो’ लेखेको आफ्नो तस्बीर सार्बजनिक गर्दै प्रधानमन्त्री ओलीले भीडसँग बल अवश्य हुन्छ, तर सत्य नहुन सक्ने उल्लेख गरेका छन् ।
उनले भनेका छन्-
हिजोआज एउटालाई भगवान बनाउनु पर्यो भने सामूहिकतामा विश्वास राख्नेहरुलाई पहिले झोले भनेर लखेटिन्छ र समाजलाई भीडमा बदलिन्छ । भीडसँग बल अवश्य हुन्छ, तर सत्य नहुन सक्छ। सामाजिक सञ्जालमा झोले भनेर खेदियो भन्दैमा सत्य अँगाल्न नछोडौं । सामूहिक र संगठित आक्रमणबाट हरेकले आफ्नो निजत्व जोगाउनु पर्छ ।
